अवैध असुली गर्ने तीन प्रहरी कारबाहीमा

सुर्य बराल, चितवन, २८ कार्तिक । जिल्ला प्रहरी कार्यालय चितवनले आफ्ना तीन जना प्रहरीलाई कारबाही गरेको छ । नेपाल प्रहरीको आन्तरिक सुदृढीकरण अभियान अन्तर्गत जिल्ला प्रहरी कार्यालय चितवनले उनीहरुलाई कारबाही गरेको हो ।

ई.प्र.का.रामनगरमा कार्यरत प्रहरी हवल्दार टेम प्रसाद तिमल्सिमा, प्रहरी जवानहरु अजय यादव र दिपक बैठालाई जिम्मेवारीबाट मुक्त गरी प्रहरी नियमावली २०७१ अनुसार आवश्यक कानूनी कारवाही अगाडी बढाइएको जिल्ला प्रहरी कार्यालयका प्रहरी नायव उपरीक्षक एवं चितवन प्रहरी प्रवक्ता प्रभु प्रसाद ढकालले जानकारी दिएका छन् ।

उनीहरुले ना ७ ख ५२८ नं.को ट्यांकर चालक अर्जुन पौडेलसँग गैरकानूनी रुपमा रु. ५,००० रकम लिएको कुरा खुलेसँगै उनीहरुलाई कारबाही गरिएको चितवन प्रहरीले प्रेस रिलिज मार्फत समेत जानकारी दिएको छ ।

ट्रक चालकले मादक पदार्थ सेवन गरी ट्याङकर चलाएको भन्ने आरोपमा ई.प्र.का.रामनगरमा पक्रिएका ना ७ ख ५२८ नं.को ट्यांकर चालक अर्जुन पौडेललाई मादक पदार्थ सेवन गरी सवारी चलाएको कसुरमा कारवाही चलाउनुको सट्टा उल्लेखित प्रहरीहरुले गैर कानूनी रुपमा रकम लिई छाडेको भन्ने प्रारम्भिक अनुसन्धानबाट खुलेपछि निज प्रहरीहरुलाई आवश्यक कानूनी कारवाही अगाडी बढाईएको प्रहरीले जानकारी दिएको छ ।

स्मरण रहोस् जुगेडी, रामनगर र गोन्द्राङ्ग लगायत राजमार्गमा रहेका प्रहरी चेकिङ्ग पोष्टहरुमा कार्यरत प्रहरीहरुले अबैध असुली गरिहेको विषयमा यसअघि नै भण्डाफोर अभियानले यसअघि पटकपटक समचार सम्प्रेषण गरेको थियो ।


Loading...

Contact Us

Address:Madhesh Media House, Hanumansthan Chowk, Anamnagar, Kathmandu Nepal

Phone: 0977-1-4266141

Fax: 0977-1-4266141

Email: madheshvani@gmail.com