भारतका पूर्व मन्त्री जसवन्त सिंहको निधन

विश्व

       

नयाँदिल्ली । भारतका पूर्व केन्द्रीय मन्त्री जसवन्त सिंहको निधन भएको छ । भारतीय जनता पार्टी (भाजपा) का संस्थापक सदस्य मध्ये एक जसवन्त सिंहको ८२ वर्षको उमेरमा आइतबार निधन भएको हो ।

राजस्थानको बाडमेरका जसवन्तले अटल विहारी बाजेपेयीको सरकारमा विदेश, रक्षा र वित्त मन्त्रीको जिम्मेवारी सम्हालेका थिए । उनी भारतीय सेनाका पूर्व मेजर पनि हुन् ।

प्रधानमन्त्री नरेन्द्र मोदीले सिंहको निधनप्रति गम्भीर दुःख व्यक्त गरेका छन् । ट्वीट मार्फत उनले श्रद्धाञ्जली अर्पण गर्दै सिंहले पूरै लगनका साथ देशको सेवा गरेको बताएका छन् ।

सन् २०१४ मा घरकै बाथरुममा लडेपछि जसवन्त सिंहको टाउकोमा गम्भीर चोट लागेको थियो । त्यसयता उनी कोमामा थिए ।

तपाईको प्रतिक्रिया