काठमाडौं, १८ मंसिर । जनता बैंकले विभिन्न संस्थालाई आर्थिक सहयोग गरेको छ । बैंकले संस्थागत सामाजिक उत्तरदायित्वअन्तर्गत लुम्बिनी नेत्र विज्ञान अध्ययन संस्थान भैरहवालाई र अछामको वैद्यनाथ क्षेत्र विकास संस्थालाई आर्थिक सहयोग गरेको हो ।
बैंकले नेत्र विज्ञान अध्ययन संस्थालाई आँखा उपचारसम्बन्धी क्रोनियलटोपोग्राफी मेसिन खरिद प्रयोजनार्थ ४ लाख ५० हजार रुपैयाँ सहयोग गरेको हो ।
बैंकका प्रमुख कार्यकारी अधिकृत परशुराम कुँवर षेत्रीले संस्थानका अध्यक्ष सागरप्रताप राणालाई सहयोग रकम हस्तान्तरण गरेका हुन् ।
बैंकले अछामको संस्थालाई अक्षयकोष प्रयोजनार्थ २ लाख ५१ हजार रुपैयाँ सहयोग उपलब्ध गराएको हो ।
सहयोग रकमको चेक बैंकका सिइओ क्षेत्रीले संस्थाका संस्थापक संरक्षक सुरतबहादुर थापा र संरक्षक तथा पूर्वप्रहरी महानिरीक्षक मोतिलाल बोहरालाई हस्तानतरण गरेका हुन् । संस्थाले वैद्यनाथ वेदविद्याश्रम सञ्चालन गरिरहेको छ ।
तपाईको प्रतिक्रिया