मधेशमा धार्मिक द्वन्द्वको रुपमा हिन्दू र मुस्लिमको बीचमा र पहाडमा त्यहीं द्वन्द्वलाई क्रिश्चियन र हिन्दूको बीचमा बढ्दै गएको देखिन्छ। यो अत्यन्त चिन्ताजनक विषय हो। राज्यसँग हामीले माग गरेका छौं कि यस्ता द्वन्द्वहरु के कारण र कसरी भइरहेको छ, यसमा छानबिन गरेर दोषीलाई कानूनको दायरामा ल्याउनुपर्छ। धार्मिक तथा सामाजिक द्वन्द्व गराउनेहरुलाई कानूनको दायरामा ल्याएर कारबाही गर्नुपर्छ।
कुनै नेताका परिवारका सदस्य भएकै कारण पद पाएका होइनन् । उहा“हरुस“ग क्षमता र योग्यता छ । क्षमता र योग्यताको अवमूल्यन गर्नु राम्रो होइन । पार्टी त हाम्रो अहिले संघर्षमा छ । हाम्रो पार्टी संघर्षबाट सुरु भएको थियो, अझै पनि संघर्ष जारी छ । पार्टी अहिले सबैलाई लाभको पद दिने अवस्थामा छैन । अहिले जो पदमा छन्, उसलाई धेरै काम गर्नुपर्नेछ । सम्भाव्ययुक्त मान्छेहरुलाई हामी राख्छौं ।
जनताको धैर्यता टुट्न लागिसक्यो, अब केही गर्नुपर्छ । फेरि पनि अब संघर्षकै तयारीमा जानुपर्छ, संघर्षको विकल्प छैन । बिना संघर्ष हाम्रो पहिचान र अधिकारको सवाल सम्बोधन हुने देखिएन । अब संघर्षकै तयारीमा लाग्नुपर्छ भन्ने मलाई लागेको छ ।
जनमतका राष्ट्रिय अध्यक्ष डा.सीके राउतले मसँग पनि भन्नुभयो कि म गजेन्द्रबाबुबाट प्रेरित छु, उहाँका कुराहरु लिएर अगाडि बढ्छु । उहाँले मलाई सहयोग गर्नुस्, आउनुस् भनेपछि म जनमतमा प्रवेश गर्ने स्थितिमा पुगें । मलाई महसुस भयो कि अब हामीजस्ताका लागि मधेशको पक्षमा काम गर्ने ठाउँ जनमत पार्टी हुनसक्छ ।
राजदूतबाट कुनै अभिव्यक्ति आउनु भनेको चीनको आधिकारिक धारणा हो । मैले अघि पनि निवेदन गरें कि चिनियाँ राजदूतावास मात्रै होइन, नेपालमा चीनको एउटा राजनीतिक पार्टी रहेको प्रतीत हुन्छ । सार्वभौमसत्ता सम्पन्न नेपालका लागि सहन गर्न सकिँदैन । यो घोर आपत्तिजनक, निन्दनीय विषय हो ।
अहिलेका शासकहरु कुनै–कुनै बहानामा मौजुदा मुद्दाहरुलाई विषयान्तर गराउन नयाँ–नयाँ बखेडा खडा गरिरहेका हुन्छन् । प्रधानमन्त्री लाखौं जनता सडकमा उतार्छु भन्नु एउटा स्टन्ट मात्रै हो । आम जनताको मुद्दालाई विषयान्तर गरेर आफ्नो सत्तालाई लम्ब्याउन सकिन्छ कि षड्यन्त्र हो ।
१० लाख रोजगारीको अपेक्षा छ भने कम्तीमा १० लाख मत दिएर पठाउनुस् । हामी आफ्नो प्रतिबद्धताबाट पछाडि हटेका छैनौं । जबसम्म हामीले आफ्ना जनशक्तिलाई आफ्नै देशमा उपयोग गर्न सक्दैनौं तबसम्म विकास र समृद्धि सम्भव छैन ।
हाम्रो मागप्रति सरकार गैरजिम्मेवार तरिकाले प्रस्तुत भइरहेको छ । उहाँहरू सरकार ढाल्ने, बनाउनेमा लाग्नुभएको छ । उहाँहरू देश र मधेश बनाउने चासो नै छैन । उहाँहरू कसलाई मन्त्री बनाउने, कहाँबाट कमिशन आउँछ त्यस्तो खेलमा लाग्नुभएको छ ।
माओवादी सिद्धिनु भनेको देश प्रतिगामीको हातमा जानु नै हो । किनकि माओवादीको एजेण्डामा देश अगाडि बढेको छ । यो एजेण्डालाई संरक्षण र विकास गर्नु माओवादीकै कर्तव्य हो । सबै पार्टीहरूमा केही न केही प्रतिशत प्रतिगामी शक्तिहरू छन् ।
अहिलेसम्म प्रदेशमा खटिने सचिव र सहसचिव संघ सरकारबाट नै जान्छन् । उनीहरुले प्रदेश सरकारलाई टेर्दैनन् र मनोमानी गर्छन् । मधेश प्रदेश सरकारलाई असफल बनाउने एउटा कारकतत्व भनेको संघ सरकारबाट पठाइएको कर्मचारी हो । संघ सरकारका कर्मचारीतन्त्र मधेश प्रदेश सरकारको टाउको दुखाई हो ।
विगतदेखि नै कांग्रेस मधेशमा बलियो थियो । बीचमा केही वर्ष अलि कमजोर जस्तो देखिएको थियो । तर गत चुनावलाई हेर्ने हो भने फेरि मधेशमा जनाधार बलियो बनाउँदैछ । मधेशमा समस्याहरू कांग्रेसले मात्रै सम्बोधन गराउन सक्छ ।
लगभग कोशी प्रदेश मध्यावधिकै बाटोमा गइरहेको छ । यदि कोशीमा मध्यावधि चुनाव भयो भने रास्वपाको प्रादेशिक चुनावी यात्रा सुरू हुन्छ । २०८४ को चुनावमा रास्वपाले सरकार बनाउनेवाला छ ।
मैले जनमत पार्टीबाट उम्मेद्वारी दिइसकेपछि सीके राउतले जुन गतिविधि र योजना बनाउनुभयो, त्यसबाट मलाई थाहा भयो कि उहाँ मलाई जिताउन होइन, हराउन लाग्नुभयो । चुनावपछि मैले समीक्षा गर्दा भित्री रूपमा उहाँले उपेन्द्र यादवसँग सम्झौता गरेर मलाई असहयोग गर्ने काम गर्नुभयो ।
सनातन हिन्दू राष्ट्र र राजाको अभिभावकीय भूमिका हाम्रो पार्टीको एजेण्डा हो । हाम्रो यो एजेण्डा हुने बित्तिकै राजालाई भेट्नैपर्छ भन्ने छैन । अहिलेसम्म उहाँसँग मेरो भेट भएको छैन । हामी धर्म मान्ने व्यक्ति हौं र धर्ममा विश्वास गर्छौं । मेरो भाग्यमा जहिले लेखेको होला, त्यो दिन भेट होला ।
पाँच वर्षको अवधिमा मधेश प्रदेशमा सात जना मुख्य सचिवको सरुवा भएको छ । मेरो पाँच महिनाको अवधिमा सात जना सचिवको सरुवा भएको छ । कसैलाई एक वर्षभन्दा बढी टिक्न नदिने, कुनै–कुनै मन्त्रालयमा एकै वर्षमा दुई जना सचिव पठाइदिने, स्थिर भएर काम गर्न नदिने, समयमा रकम नपठाउने, ठूला आयोजनालाई बहुवार्षिक गरिदिने जस्ता क्रियाकलापले अहिले पनि संघीय सरकारबाट नियन्त्रित भएर प्रदेश र स्थानीय सरकार सञ्चालन भइरहेको छ ।
हाम्रो उम्मेद्वार शिवचन्द्र कुशवाहाले जुन मत ल्याउनुभएको छ, त्यो आफैमा एक प्रकार जीत हो । त्यहाँ सबै दलहरुले गठबन्धन गरेका थिए, सबै शक्ति लगाएका थिए तर पनि उपेन्द्र यादवलाई जित्न सकस परेको थियो ।
मधेशका मुख्यमन्त्रीले कुनै पनि विकास योजनामा ठेकेदारसँग ३० प्रतिशत कमिशन लिएर मात्रै विकास योजना पारित गर्छन् । मुख्यमन्त्रीले सिधै ३० प्रतिशत कमिशन लिने कुरो गर्छ ।
संघीयतालाई मजबुत गर्ने, प्रदेश सरकारलाई स्थापित गर्ने हामीसँग चुनौतीहरु छँदैछ । तर, केन्द्र सरकारअनुसार नै प्रदेश सरकारहरु चल्ने गरेको देखिन्छ । प्रदेश सरकार स्वायत्त छैन । केन्द्रमा सरकार ढल्यो भने प्रदेशमा पनि सरकार ढल्ने गरेको छ । यसले संघीयतालाई स्थापित गर्ने अभ्यास देखिँदैन ।
यो आदेशले अदालतले आफ्नो सर्वोच्चता कायम राखेको छ । अदालतप्रति आस्था र विश्वासलाई बढाउने काम गरेको छ । यसपटक अदालतले फैसला होइन, न्याय गरेको छ । नागरिकताविहीन सम्पूर्णमा बधाई ।
यो बजेट भनेको संघीयतामाथिको प्रहार हो । यो बजेट प्रष्ट्याएको छ कि संघीयतालाई स्थापित हुन नदिने संघीय सरकारको योजना हो । मधेशलाई दोहन गर्नका लागि मात्रै संघीय सरकारले बजेट बनाएको हो ।
पर्सा जिल्ला मात्र नभएर मधेशसहित देशभरि नै जनमत पार्टी र डा.सीके राउतप्रति आकर्षण बढ्दै गएको हो । आगामी दिनमा जनमत पार्टीले आफ्नो मुद्दालाई कसरी अगाडि बढाउँछ, त्यसमा निर्भर पर्छ ।
यो देशबाट विभेद हटाउन, अखण्डता र अक्षुण्णतालाई बचाइराख्न अब यो देशको नेतृत्व मधेशीलाई दिनुपर्छ । मधेशीको छोरालाई प्रधानमन्त्री बनाउनुपर्छ भन्ने एउटा आम मानसिकता आउँदैछ । यही देशभित्र कतिपय विखण्डनवादी, अराजकतावादीहरु छन् । तिनीहरुलाई जबाफ दिन अबको प्रधानमन्त्री मधेशीको छोरा उपेन्द्र यादव हुनैपर्छ ।
नेपालमा नागरिकताको विषय लामो समयदेखि चर्को बहसको विषय रहेको हो । राजा महेन्द्रले एकतन्त्री पंचायत तानाशाही लादेसंगै मधेशी र थारुहरुको नागरिकता प्राप्तिको प्रक्रियामा विभेदपूर्ण कानूनी व्यवधानहरु लादिंदै गए । यसको पछाडिको पृष्ठपोषक तत्व उग्रराष्ट्रवाद, भारत बिरोधलाई केन्द्रमा राखेर राष्ट्वादलाई परिभाषित गर्ने कुप्रवृति तथा मधेशी र थारुलाई भारतीय, भारतीय मूलको भनी अलग्याउने मनो-समस्या हुनु रहेको छ ।
आफ्नै देशका नागरिकलाई अनागरिक बनाएर राख्ने परिपाटी छ । अर्कोतिर, राष्ट्रको गरिमा अन्तर्राष्ट्रियस्तरमै खस्किने गरी नेपाल र नेपालीको प्रतिष्ठा नै दाउमा लगाएर यस्तो किसिमको जघन्य अपराध गरेको छ ।
उपेन्द्र यादवले हामीलाई गठबन्धनको नैतिकता सिकाउने ? हामीलाई सरकारमा राख्ने कि नराख्ने भन्ने धाकधम्की देखाउने ? यो उपेन्द्र यादवको राजनीतिक अपरिपक्कता हो । जनमत पार्टी एक्लै चुनाव लड्न र जित्न हैसियत राख्छ ।
