यो सरकार अस्थिर छन्, गति लिन पाएको छैन । विकास निर्माणको खर्च साह्रै न्यून भो । सरकारले जुन गति काम कर्तव्य अगाडि बढाउनुपर्ने हो, त्यो बढाएको छैन । हुन त हामीले समर्थन फिर्ता लिइसकेपछि यो सरकार अल्पमतमा परेको छ । अब यो सरकारले विश्वासको मत लिनुपर्ने अवस्था आएको छ ।
फास्टट्रयाकबाट सरकारले त्यहीं नागरिकता विधेयक सदनमा दर्ता गराएर, मन्त्रिपरिषद्बाट पास गर्नुपर्छ । दुईटै सदनबाट दुईचोटि पास भइसकेकोले छलफल गराउनु पर्दैन । फास्टट्रयाकबाट पलेनरी हाउसमा एक दिन प्रस्तुत गरेर अर्को दिन सबैले हात उठाएर पास गरी राष्ट्रपति समक्ष प्रमाणीकरण गर्न पठाउनुपर्छ । यो नै एउटा उपाय हो र यहीं बाटोमा जानुपर्छ ।
राजनीतिमा कुनै पनि बेला परिवर्तन हुन सक्छ । अहिले जुन नयाँ गठबन्धन बनेको छ, त्यो हिसावले नेतृत्व परिवर्तन हुन्छ नै । अहिले पनि विभिन्न चरणमा शीर्ष नेतृत्वबीच छलफल भइरहेको छ । मधेश प्रदेशमा लोकतान्त्रिक समाजवादी पार्टी नेपालले पनि नेतृत्वको दाबी गरिरहेको छ ।
नेपालमा जनता अदालत हुनुप¥यो, जुन जनताको पक्षमा हुन्छ । अहिलेको अदालत जनताका लागि होइन, त्यो सरकार र पैसावालाका लागि हो । त्यो अदालतमा प्रहरी, न्यायाधीश र वकिल पनि सरकारको तलब खान्छ, अनि त्यो अदालतबाट जनताको पक्षमा कसरी न्याय हुन्छ त ।
नागरिकता विधेयक २०७९ स्वतः प्रमाणिकरण भएको सभामुखले सदनलाई जानकारी दिएर कानून बनेको घोषणा गर्नु पर्दछ । यही नै सर्वोत्तम उपाय हुनेछ । अथवा, करेक्शनको विधि अपनाउने हो भने वर्त्तमान राष्ट्रपतिले यसलाई यथाशिघ्र प्रमाणिकरण गरेर पठाउनु पर्दछ ।
उपराष्ट्रको निर्वाचनमा सीके राउतले उदण्डता देखाए, बारा २ को निर्वाचनमा पनि उदण्डता देखाउँदैछन् । गठबन्धनकै बैठकमा उम्मेद्वारको छनौट हुँदा आफ्ना विचार प्रष्ट रूपमा राख्नुपर्छ । तर, गठबन्धनको निर्णयलाई सबैले आत्मसात गर्नुपर्छ ।
उपेन्द्रसँग चुनाव लड्नका लागि सजिलो छैन । त्यसकारण चुनावमा उपेन्द्रलाई हराउनका लागि सीके राउतले बोलेका कतिपय कुराहरु गलत र अव्यावहारिक कुराहरु गरेका छन् । तर, ती कुराहरु नगरे उपेन्द्रलाई हराउन पनि सकिँदैन ।
नेपाल रक्षा मञ्च भनेको नेपाल आमालाई हरेक किसिमबाट रक्षा गर्ने उद्देश्यले गठन गरेका हौं । हाम्रो हिन्दू सनातनी परम्परामा केही विकृत्तिहरु छन् भने त्यसलाई छोडेर राम्रा कुराहरु अँगालेर नेपाललाई हिन्दू राष्ट्र घोषणा गर्ने योजना छ ।
निश्चितरुपमा संघीय संसदमा उपेन्द्रको उपस्थिति अपरिहार्य छ । मधेश आन्दोलनले उठाएका एजेण्डाहरु मधेशका लागि मात्र नभई मुलुक सम्पूर्ण उपेक्षित, अपहेलित र शोषित पीडित जनताको हितमा रहेका छन् । आज मधेश आन्दोलनकै कारण मुलुकमा संघीयता, समावेशिता लागू भएको हो ।
मैले चुनावताका नै स्पष्टरुपमा भनेको थिएँ कि वीरगन्जवासीको दैनिकीसँग जोडिएका समस्याहरुलाई निदान गर्नु मेरो पहिलो प्राथमिकता छ । जसअन्तर्गत सरसफाइ, सडक, नाला, बिजुली बती, विकास निर्माण लगायतका थुप्रै कामहरु छन् ।
डा.सीके राउत अहिले नवसिखुवा राजनीतिज्ञ जस्तो व्यवहार प्रदर्शन गर्दै हुनुहुन्छ । उहाँ अहिले गठबन्धनमा पनि हुनुहुन्छ तर गठबन्धनकै निर्णय मानिरहनु भएको छैन । हरेक चीजमा उहाँ बार्गेनिङ्ग गर्दै हुनुहुन्छ । जब गठबन्धनमा उपराष्ट्रपति जसपालाई दिने निर्णय भइसकेको थियो भने कि यो पदन देउ कि यो पद देउ भन्दै बच्चाजस्तो खेल गर्दै हुनुहुन्छ ।
संसदमा मधेशको मुद्दा उठाउनु भनेको सत्ता साझेदारीमा आफ्नो सेयरका लागि मात्रै हो । मुद्दा स्थापित गर्न वा मागहरु सम्बोधन गराउनका लागि मधेश मुद्दा उठाएका छैनन् । त्यसप्रति उहाँहरुको प्रतिबद्धता पनि छैन । अधिकारविहीनहरुका लागि सडकको आवाज धेरै महत्वपूर्ण हुन्छ ।
यो मन्त्रालयमा म यदि एक–डेढ वर्षसम्म पनि बस्न पाएँ भने काठमाडौंभित्र पानीको अभाव हुने समस्यालाई दीर्घकालीनरुपमा समाधान गर्छु । यस्तै, तराई–मधेशको पानीमा आर्सेनिकयुक्त लगायतका जुन समस्याहरु छन्, त्यसलाई समाधान गर्न कम्तीमा दुई वर्ष चाहिन्छ । पहाडको भीरपाखामा पानी पु¥याउनका लागि विभिन्न योजनाहरु छन् ।
दुई तिहाइभन्दा बढी जनसंख्या भएको आदिवासी जनजाति र मधेशीको प्रतिनिधित्व यो राज्यका प्रमुख अंगहरुमा छैन । यो दुर्भाग्यपूर्ण र विभेदकारी अवस्था हो । यस्तै अवस्था रहिरह्यो भने भयावह परिस्थिति आउन सक्ने कुरा शासन सत्तामा बसेका व्यक्तिहरुले यो कुराको ख्याल गर्नु पर्दथ्यो ।
महन्थ ठाकुरको सादगीपन, व्यक्तित्व, निर्विवाद र निर्दागी व्यक्तित्व हुनुहुन्छ । उहाँप्रति आमनेपाली जनताको आशा र भरोसा पनि छ । यसमा कसैको दुईमत हुनै सक्दैन ।
प्रदेश नं. १ मा कांग्रेसले १२ सांसद पाउँदा ६ जनजाति, ३ खसआर्य, १ मधेशी, १ थारु र १ दलित गरी कलष्टर छुट्याइएको थियो । मधेशी कलष्टरमा पनि कांग्रेसले जनजातिलाई हाल्यो । प्रदेश १ मा कांग्रेसले एक जना पनि मधेशीलाई समावेश गरेको छैन ।
साझा उम्मेद्वारको रुपमा हरेक किसिमले महन्थ ठाकुरजी राष्ट्रपतिका लागि उपयुक्त पात्र हुनुहुन्छ । यो विषय थुप्रै पार्टीहरुमा उठेको हो । बारम्बार नेपाली जनताले महन्थ ठाकुरजीलाई नेतृत्वको ठाउँमा हेर्न चाहेका छन् । राष्ट्रपति भनेको गरिमामय सम्मानार्थ पद हो ।
डा.सीके राउतको जुन भिजन छ, उहाँको कुरालाई मधेशमा मात्रै होइन, पहाड र हिमालका जनताले पनि गम्भीरतापूर्वक लिने गरेका छन् । त्यसले गर्दा मधेश मात्र होइन, देशको नेतृत्व उहाँको हातमा जानुपर्छ ।
किसानका पक्षमा बोल्ने नेता संसदमा नपुगून् भनेर मेराविरुद्ध धेरै षड्यन्त्रहरु भएका छन् । धेरै षड्यन्त्रको म भुक्तभोगी पनि हुँ । मेराविरुद्ध भएका केही षड्यन्त्रहरु सप्रमाण पछि बाहिर ल्याउनेछु । अन्य किसानका समस्याहरु समाधान गर्न धेरै संघर्ष गर्नुपर्ने आवश्यकता छ ।
म सम्पूर्ण छोरी चेलीलाई भन्न चाहन्छु, आफ्नो लागि आफै हिम्मत गर्नुस् । अरुले के भन्ला भनेर कहिल्यै पनि सोच्नु हुँदैन । हामी आफ्नो उद्देश्यप्रति केन्द्रित हुँदै अगाडि बढ्नुपर्छ । समाजमा विभिन्न थरि सोच भएका मानिसहरु हुन्छ । हामी केही गर्न खोज्यौं भने खुट्टा तान्नेहरु धेरै हुन्छन् ।
हामीसँग मुद्दा मिल्ने विद्यार्थी संगठनहरुसँग चुनावी सहकार्य वा गठबन्धन गरेर जान सक्छौं । लोकतान्त्रिक विद्यार्थी संघ, विद्यार्थी जनमत संघलगायत हामीसँग मुद्दा मिल्नेहरुसँग सहकार्य गरेर चुनाव लड्छौं । अहिलेसम्म सहकार्यका लागि पहल भएको छैन । यासको पहलकदमी हामी नै गर्छौं ।
विचार र मुद्दा मिल्ने विद्यार्थी संगठनहरुबीच चुनावी मोर्चाबन्दी हुनुपर्छ भनेर मैले पहल सुरु गरिसकेको छु । जसपाको समाजवादी विद्यार्थी संघका अध्यक्ष रमेश यादवजीसँग पनि मेरो कुरा भइरहेको छ । जनमत विद्यार्थी संघका साथीसँग पनि सम्वाद थालेका छौं । हामी छलफलमा छौं ।
कुनै पनि मन्त्रालय आफैमा खराब हुँदैन । देश चलाउने एउटा टुल्स हो मन्त्रालय । हामीले पाएको खानेपानीमै राम्रो काम गर्न सक्छौं । काम गर्न चाह्यो भने जुनसुकै मन्त्रालयमा बसेर गर्न सकिन्छ । हामीले गरेका प्रतिबद्धताहरुलाई पनि पछि निरन्तरता दिन्छौं ।
मधेशका सबै दलहरु र माओवादी एक ठाउँमा आउनुपर्छ । यदि त्यो किसिमको वातावरण बन्यो भने राष्ट्रपतिका लागि महन्थ ठाकुर सबैभन्दा उत्कृष्ट उम्मेद्वार हुनुहुन्छ । यसमा कांग्रेसलाई पनि आपत्ति हुँदैन ।
चुनावका बेला पनि मैले स्वराजी साथहिरुसँग प्रतिबद्धता गरेको थिएँ कि पछि हामी पार्टी गठन गर्छौं । त्यो प्रतिबद्धता पूरा गर्नका लागि अहिले हामी नयाँ पार्टी गठनको प्रक्रियामा छौं । अब हामी क्रान्तिकारी स्वराजीहरुलाई संगठित गरेर नयाँ पार्टीको घोषणा गर्दैछौं ।
