डडेल्धुरा, २० पुस । हिमपात भएपछि डडेल्धुरामा हिउँ खेल्ने आन्तरिक तथा बाह्य पर्यटकको घुइँचो लाग्न थालेको छ ।
डडेल्धुरा सदरमुकामसहित साहुँखर्क, मेलखर्क र हगुल्टे लेक क्षेत्रमा हिउँ खेल्ने र हेर्ने आन्तरिक तथा बाह्य पर्यटकको घुँइचो लाग्न थालेको हो ।
हिउँ हेर्न र खेल्न भारतको पलिया लखीमपुरबाट पनि पर्यटक आएका छन् । उनीहरु डडेल्धुरा आउँदा स्वीजरल्याण्ड नै आएजस्तो महसुस भएको बनाएका छन् ।
धनगढीबाट १२५ किलोमिटरको पक्की सडकको यात्रा गरेपछि हिउँ हेर्न पाइन्छ । अहिले भ्रमण वर्ष समेत चलिरहेको अवस्थामा सुदूरपश्चिम घुम्न आउने भारतीय पर्यटकको संख्या बढ्दै गइरहेको छ ।
तपाईको प्रतिक्रिया