परासी, १३ कार्तिक । पश्चिम नवलपरासीको बर्दघाट नगरपालिका–४ बर्दघाट बजारमा रहेको जय बुद्ध सिसा प्लाई तथा फर्निचर उद्योगमा आगलागी हुँदा रु डेढ करोड बराबरको क्षति भएको छ ।
आगलागीका कारण उद्योगमा रहेका सम्पूर्ण सामान र परिसरमा राखिएको सञ्चालक राजु पाण्डेको बा १३च ८००६ नम्बरको कारसमेत जलेर पूर्णरूपमा नष्ट भएको प्रहरीले जनाएको छ ।
आगलागीको कारण खुल्न सकेको छैन । बर्दघाटमै दमकल नभएका कारण समयमा आगो नियन्त्रण नहुँदा उद्योगम पूर्णरूपमा क्षति पुगेको स्थानीयवासीले बताएका छन् ।
स्थानीयवासी, नेपाल प्रहरी र सशस्त्र प्रहरीको सहयोगमा आगो नियन्त्रणमा आएको थियो ।
तपाईको प्रतिक्रिया