सप्तरी, २१ भाद्र । तेस्रो मधेश आन्दोलनमा खुट्टा गुमाएका सप्तरीका हनुमाननगर कंकालिनी नगरपालिका–३ भारदहका श्रवणकुमार झालाई प्रदेश २ को सरकारले राहत रकम उपलब्ध गराएको छ ।
प्रदेश नं २ का भूमि व्यवस्था, कृषि तथा सहकारीमन्त्री शैलेन्द्रप्रसाद साहले झालाई तीन लाख रुपैयाँ राहत रकम उपलब्ध गराएका हुन् ।
मन्त्री साहले आन्दोलनका क्रममा शहीद भएकाको परिवार र घाइतेको जीवनयापन सहज गर्न प्रदेश सरकार प्रतिबद्ध रहेको बताए ।
विसं २०७२ मङ्सिर ५ गते तेस्रो मधेश आन्दोलनका क्रममा प्रहरीको गोली लागेर झाको दायाँ खुट्टामा चोट लागेको थियो । त्यतिबेला उपचारकै क्रममा उनको खुट्टा काट्नुपरेको थियो ।
तपाईको प्रतिक्रिया