काठमाडौं, २५ मंसिर । राष्ट्रिय जनता पार्टी नेपाल सर्लाही निर्वाचन क्षेत्र नं. ४ ले जनमत अपमान दिवस मनाउन लागेको छ ।
२०७४ सालको आमनिर्वाचनमा सर्लाही निर्वाचन क्षेत्र नं. ४ मा राजपाका उम्मेद्वार तथा महासचिव राकेश मिश्रलाई प्रशासनको मिलेमतोमा जबरजस्ती पराजय गरेको घोषणा गरेको आरोप लगाउँदै बिहीबार जनमत अपमान दिवस मनाउन लागेको हो ।
राजपाका उम्मेदवारलाई बहुमत प्राप्त हुँदाहुँदै पनि षड्यन्त्रपूर्वक हराइएकोले जनमतको अपमान भएको ठहर गर्दै त्यसको विरोधमा बिहीबार साँझ ७ बजेदेखि सबा ७ बजेसम्म बती बुझाई (ब्ल्याकआउट गरी) विरोध जनाउन आग्रह गरिएको छ ।
राजपा नेपाल सर्लाही निर्वाचन क्षेत्र नं. ४ ले एक अपील जारी गर्दै जनमत अपमानको विरोध गर्न आग्रह गरिएको छ ।
तपाईको प्रतिक्रिया