काठमाडौं, ३० असार । लोकसेवा आयोगको असंवैधानिक र असमावेशी विज्ञापनलाई रद्द गरी आरक्षणसहित पुनःप्रकाशनका लागि दबाब दिन सांसदको हस्ताक्षर अभियान सुरु गरिएको छ ।
तराई मधेश राष्ट्रिय परिषद्ले सांसदहरुसँग हस्ताक्षर अभियान सुरु गरेको छ ।
परिषद्का प्रतिनिधिहरुले डा.अमरेश नारायण सिंह, राजेन्द्र श्रेष्ठ, तेजुलाल चौधरी लगायत विभिन्न सांसदलाई भेटि हस्ताक्षर गराएका छन् ।
यसै क्रममा डा.बाबुराम भट्टराईसँग समाजवादी पार्टी कार्यलयमा छलफल भएको परिषद्का सदस्य आनन्द गुप्ताले बताएका छन् ।
उनले आफू सिंगो पार्टीको अध्यक्ष भएकोले केवल एउटा सांसदको हैसियतमा हस्ताक्षर गर्न नमिल्ने तर्क गरे ।
यो विषयमा विभिन्न पार्टीसँग कुरा गरेर रणनीति बनाउने र आजको सदन भित्र दबाबका केही प्रभावकारी कदम उठाउने वचन दिए ।
तपाईको प्रतिक्रिया