वीरगञ्ज, ३ पुस । केही दिनदेखि मधेशमा बढेको शीतलहरसँगैको अत्यधिक चिसोका कारण जनजीवन कष्टकर बन्न थालेको छ ।
गर्मीमा ४४ डिग्रीसम्मको तामक्रममा रहेका यो क्षेत्रका बासिन्दा अहिले भने सात÷आठ डिग्रीको चीसोमा बस्न बाध्य भएका छन् ।
शीतलहरका कारण कसैले ज्यान गुमाउन नपरोस् भनी स्थानीय प्रशासनले विभिन्न उपायसमेत अपनाइँदै छन् ।
पर्साका प्रमुख जिल्ला अधिकारी जितेन्द्र बस्नेतले पहिलो प्राथमिकता अति विपन्नलाई बचाउने रहेको बताए ।
यसका लागि स्थानीय प्रशासनले इन्धनको व्यवस्था गर्ने, न्यानो कपडाको जोहो गर्नेलगायत विपतबाट मानिसलाई बचाउने उपायहरुको खोजी गरिरहेको उनले बताए ।
तपाईको प्रतिक्रिया