काठमाडौं, ५ भाद्र । कोरोना भाइरस संक्रमणबाट सर्लाही र दोलखाका एक–एक जनाको उपचारको क्रममा पाटन अस्पतालमा मृत्यु भएको छ ।
शुक्रबार बिहान उपचाररत दुवै कोरोना संक्रमितको मृत्यु भएको जिल्ला कोभिड–१९ संकट व्यवस्थापन केन्द्र, ललितपुरले जनाएको छ ।
केन्द्रका अनुसार भदौ २ गतेदेखि पाटन अस्पतालमा भर्ना भएकी दोलखाकी ३० वर्षीया महिलाको शुक्रबार उपचारकै क्रममा मृत्यु भएको हो ।
त्यसैगरी साउन ३० गते पाटन अस्पतालमा उपचारका लागि भर्ना भएका सर्लाहीको मलंगवा निवासी ४६ वर्षीय पुरुषको पनि शुक्रबार मृत्यु भएको केन्द्रले जानकारी दिएको छ ।
तपाईको प्रतिक्रिया