रुपन्देही, ९ भाद्र । कोरोना भाइरस (कोभिड–१९) संक्रमणबाट रुपन्देहीमा एक जनाको मृत्यु भएको छ । योसँगै रुपन्देहीमा कोरोनाबाट मृत्यु हुनेको संख्या ६ पुगेको छ ।
गैडहवा गाउँपालिका– ३ का ५५ वर्षीय पुरुषको सोमबार राति भीम अस्पतालमा मृत्यु भएको हो ।
एक हप्ताअघि घरको छतबाट लडेर घाइते भएर युनिभर्सल मेडिकल कलेजमा उपचार गराइरहेका उनको ४ दिनअघि परीक्षण गर्दा कोरोना संक्रमण पुष्टि भएको थियो ।
टाउकोमा रगत जमेका कारण शल्यक्रिया गर्नका लागि उनको पीसीआर परीक्षण गरिएको थियो ।
तपाईको प्रतिक्रिया