काठमाडौं, २८ फागुन । जनता समाजवादी पार्टीको संसदीय दलको बैठकले विधान संशोधनका लागि दुई सदस्यीय कार्यदल बनाएको छ ।
शुक्रबार दिउँसो सिंहदरबारस्थित संसदीय दलको कार्यालयमा बसेको संसदीय दलको बैठकले विधान संशोधनका लागि दुई सदस्यीय कार्यदल बनाएको हो ।
कार्यदलमा अनिल झा र रामसहाय प्रसाद यादव रहेका छन् । संघीय समाजवादी पार्टी र राष्ट्रिय जनता पाटीबीच एकता भए पनि संसदीय दलमा भने एकता भएको थिएन् ।
सोही एकतालाई टुंगो लगाउनका लागि विधान संशोधन कार्यदल बनाइएको हो । संसदीय दलको एकता नटुंगिँदा जसपाले अहिलेसम्म दलको नेता छनौट गर्न सकेको छैन ।
तपाईको प्रतिक्रिया